مشاهير

عبد العالي أنور يصدم فنانا جزائريا بهذه الخطوة!

انتصر الفنان المغربي، عبد العالي أنور، في معركته ضد فنان جزائري يدعى الشيخ دادي، بعدما سرق جميع أغانيه ونسبها له، كما تمكن من توقيف جميع حساباته على مختلف المنصات الرقمية الخاصة بعرض الأغاني.

وشارك أنور تفاصيل ما حدث مع متابعيه عبر حسابه الشخصي على موقع التواصل الاجتماعي إنستغرام، قائلا: “سرقة التراث المغربي من طرف جزائري المسمى الشيخ دادي، مع احترامي للشعب الجزئري الشقيق لي فيه صحابي والمعجبين لي كنوجه ليهم التحية”.

وأضاف: “باختصار هاد القصة بدات في 2014 بعدما المسمى الشيخ دادي قام بالسطو على أعمال مغربية بتعاون مع شركة فرنسية و قامو بهادشي بواحد السرية وحتى احد ماقدر يتدخل في هاد المسألة لاسترجاع هاد الحقوق, المشكل انهم سرقو الاعمال بصوتي و غيرو الاسم و العناوين, حاولنا نتواصلو معاهم و نحلو المشكل بشكل ودي وبلا صداع, لا كن الراس قاصح وهنا بدينا في تدخل, قمنا بتواصل مع كاع الجهات باش نشوفو الحل في اقرب وقت ممكن, لكن Youtube بعد شهر من المراسلات و رغم انه عندهم كل الادلة لي كتبت الملكية رفضو الطلب ديالنا, لانه كانت شي جهة لي شادة هادشي وقالو لينا مايمكنش و خاصكم التواصلو مباشرة مع الشركة التوزيع لي عندها حق الملكية, رغم ان الاعمال مرفوعة بالصوت ديالي”.

وتابع: “مع شركة توزيع اكثر من مرة بدون جدوى, مافقدناش الامال وتواصلنا مع شركة Spotify لي كان رد ديالهم سريع بعدما رسلنا ليهم كل الادلة لي كتبت الملكية و قامو تدريجيا بحدف الاعمال المغربية المسروقة و من تما توصلنا مع Apple Music لي كانو صعاب شوية مابغاوش في الاول لكن تبتنا ليهم بلي راه ماغديش نتنازلو الى مرجعاتش هاد الحقوق, وهنا بدا الضغط على الشركة الموزعة ديال هاد الاعمال المسروقة, بشوية بشوية بعد 4 اشهر من الضغط تم استرجاع كل الحقوق, و تم حدف الحساب ديال المسمى الشيخ دادي في جميع المنصات الرقمية لي كان مستحيل, واليوم 21/07/2021 توصلنا برسالة اعتدار من من الشركة الموزعة و سيتم سحب الملكية من اخر عمل في غضون الايام المقبلة”.

واختتم نجم برنامج “فاصلة” الشهير تدوينته قائلا: “هادشي كامل ماعمرو كان غادي وقع لولا جشع شركة مغربية معروفة بدون دكر الاسم ديالها لي بسبها وقعنا فهاد المأزق”.

انضم إلينا واحصل على نشراتنا الإخبارية



زر الذهاب إلى الأعلى