مشاهير

ياسمين عبد العزيز في حالة حرجة.. شقيقها يصدم الجمهور

صدم وائل عبدالعزيز، شقيق الفنانة، ياسمين عبدالعزيز الجمهور، صباح يومه الأحد، بعد كشفه عن الوضع الصحي لأخته، بعد خضوعها لعملية جراحية.

وشارك وائل عبر العزيز تدوينة مع متابعيه عبر حسابه الشخصي على موقع التواصل الاجتماعي “فايسبوك”، كتب فيها: “صباح الخير.. أنا كل إلى هقدر أقوله دلوقتي ادعوا لياسمين حالتها خطرة”.

ومن جهته، أعلن الفنان، أحمد العوضي، زوج ياسمين عبد العزيز عن خبر مرورها بأزمة صحية عبر حسابه على “فيسبوك” قائلا: “الرجاء الدعاء بظهر الغيب لزوجتي وحييبتي ياسمين … هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفيها وعافيها”.

وأضاف في تدوينة ثانية: “يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك.. انتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان انتي وعداني وعد وهتنفذيه”.

وتابع: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدا.. لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك.. قومي عشان أنا بحبك”.

وأضاف: “بحبك أكتر بكتير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك”.

واختتم العوضي رسالته إلى زوجته موجها حديثه إلى متابعيه: “ادعولها تقوم بالسلامة زي ما انتو دايما بتدعولها بالنجاح والتوفيق.. هي دلوقتي محتاجة دعواتكم”.

انضم إلينا واحصل على نشراتنا الإخبارية



زر الذهاب إلى الأعلى