مشاهير

بسبب كورونا.. الكوميدي أسامة رمزي يمر بأزمة نفسية صعبة – صورة

كشف الكوميدي الشاب أسامة رمزي، مساء أمس الخميس، عبر حساباته الخاصة بمواقع التواصل الاجتماعي، أنه يمر بأزمة نفسية وصحية صعبة، أزيد من شهر ونصف.

وشارك أسامة رمزي، مع متابعيه بحسابه عبر موقع “انستغرام” و “فيسبوك”، رسالة مطولة يحكي فيها عن معاناته النفسية والصحية، في ظل تفشي فيروس “كورونا” وفرض الحجر الصحي على الجميع.

وكتب:“بغيت نشارك معكم واحد القضية وسمحولي غانخوي شوية حيت يمكن كاين اللي عايش نفس الحاجة،هادي أكثر من شهر ونصف تقريبا وأنا عندي مشكل فالتنفس ما كانقدرش ناخد النفس كامل و كانحس بصدري مزير عليا ومخنوق، وفاش كانبغي نتنفس كانحس براسي غادي نتخنق وبالتالي قلبي كايبدا يضرب بجهد”.

وتابع: “الوسواس مرضني فصحتي فوق ما ممكن تتصور وديال بصح، أثر عليا لا فالنعاس اللي ديال بصح ما بقيتش كانعرفو لا فالدوايات اللي كاينفخوني.. عاد زيد عليها الأعصاب والتوتر والمشكلة بزاف ديال الأطباء قالو ليا هادشي اللي عندك هو حالة قلق نفسي والتفكير السلبي كايوصلك لتوتر العضلات”.

“المشكلة الكبيرة أنني واعي بزاف بهادشي ولكن هادشي مسيطر عليا فوق القياس لمجموعة من الأسباب ماشي ضروري نشاركها هنا.. لكن الفكرة اللي بغيت نوصل ليكم هي ما تستاهنوش بنفسيتهم كيفما ما تستاهنوش باللي نفسيتو محطمة وحاولو تلقاو اللي يرفه عليكم واكتشفو حوايج جداد فيكم”، يقول أسامة رمزي.

وختم حديثه:“المرحلة اللي وصلت ليها كانطلب ربي ما يوصل ليها حتى شي واحد.. وعارف عندي القدرة والقوة ندوز هادشي إن شاء الله دعواتكم معايا وصافي، وردوا البال لراسكم يمكن هادشي اللي خويت ينفسني شوية.. ولكن بغيت نشاركم هادشي غير باش نقول ليكم النفسية مهمة بزاف فالحياة”.

وفور نشر أسامة رمزي هذه الرسالة المطولة، تقاطرت عليه التعاليق من طرف عدد من متابعيه وبعض مشاهير المغرب كالفنان حاتم عمور والكوميدي زهير زائر وآخرون، الذين تعاطفوا معه بشكل كبير، معبرين عن حزنهم تجاه ما يعيشه أسامة رمزي الذي كان يحرص دائما على زرع الابتسامة في وجوه عدد كبير من المغاربة من خلال فيديوهات مضحكة.

View this post on Instagram

بغيت نشارك معكم واحد القضية و سمحولي غا نخوي عليكم شوية حيت يمكن كاين اللي عايش نفس الحاجة خصوصا فهاد المرحلة و كلشي كايتجمع عليك هادي أكثر من شهر و نصف تقريبا وانا عندي مشكل فالتنفس ما كانقدرش ناخد النفس كامل و كانحس بصدري مزير عليا و مخنوق و فاش كانبغي نتنفس كانحس براسي غادي نتخنق و بالتالي قلبي كايبدا يضرب بجهد و الوسواس مرضني فصحتي فوق ما ممكن تتصورو و ديال بصح أثر عليا لا فالنعاس اللي ديال بصح ما بقيتش كانعرفو لا فالدوايات اللي كاينفخوني عاد زيد عليها الأعصاب و التوتر و المشكلة بزاف ديال الاطباء قالو ليا هادشي اللي عندك هو حالة قلق نفسي و التفكير السلبي كايوصلك لتوتر العضلات ، المشكلة الكبيرة أنني واعي بزاف بهادشي ولكن هادشي مسيطر عليا فوق القياس لمجموعة من الأسباب ماشي ضروري نشاركها هنا لكن الفكرة اللي بغيت نوصل ليكم هي ما تستاهنوش بنفسيتهم كيفما ما تستاهنوش باللي نفسيتو محطمة و حاولو تلقاو اللي يرفه عليكم و اكتشفو حوايج جداد فيكم و طبيعي أنك تحس بقلق و خوف و توتر غير ما تخليهش يسيطر عليك . المرحلة اللي وصلت ليها كانطلب ربي ما يوصل ليها حتى شي واحد و عارف عندي القدرة و القوة ندوز هادشي إن شاء الله دعواتكم معايا و صافي وردوا البال لراسكم يمكن هادشي اللي خويت ينفسني شوية ولكن بغيت نشاركم هادشي غير باش نقول ليكم النفسية مهمة بزاف عاونو بعضياتكم إيلا قدرتو و عاونو راسكم حتى هو المهم شي يعاون شي ههه هذا ما كان ❤️

A post shared by Oussama Ramzi (@oussamaramzi1) on

انضم إلينا واحصل على نشراتنا الإخبارية



زر الذهاب إلى الأعلى