بعد انفعالها في جنارة هيثم زكي.. زوجة عمرو دياب توجه رسالة مؤثرة للراحل

بعد انفعالها في جنارة هيثم زكي.. زوجة عمرو دياب توجه رسالة مؤثرة للراحل

نشرت زوجة عمرو دياب الممثلة دينا الشربيني صورة تجمعها بالراحل هيثم زكي، عبر حسابها على انستقرام، وكشفت عن حزنها الشديد من رحيله.

وعلقت ديما قائلة:”أنا مبعرفش اكتب ولا عمرى كتبت ..بس أنا مش قادره اصدق أنى مش هشوفك تانى!! ولا هتكلمنى فى التليفون تانى وتقولى يالا نتقابل..ولو مردتش عليك الاقيك بعتلى مسدچ بتقللى طظ فيكى مش هكلمك تانى ، وأول ما ابعتلك اقللك يابنى ملحقتش ارد ده التليفون رن مرتين تقللى خلاص امسحى المسدچ وكأنى مبعتلكيش حاجه”.

وتابعت:” طول اليوم كنت بهرب من أنى اصدق ان ده حصلك أنت ياهيثم…لحد ما جيت انام دلوقتي ومش هاين عليا أنام واحنا سيبينك لوحدك.. كنت دايما تقلنا كلنا اسألوا عليا لحسن اموت لوحدي و محدش يعرف كنت طيب وجدع وحنين وعامل زى العيال الصغيرة نفسى نحب بعض كلنا ونخاف على مشاعر بعض ، مش لازم نستنى حد فينا يموت علشان نفهم ان الدنيا مش مستهله”.

واختتمت:” هيثم شاف أيام صعبه وضغط كبير من الناس وتنمر ومقارنه مش عادله وللأسف مشفش حب الناس لي الإحنا شايفينه دلوقتي أنا عارفه انك في مكان احسن من الاحنا فيه وسط حبيبك..كان نفسك ترحلهم واديك روحت يا هيثم”.

وكانت الممثلة “دينا الشربيني” قد انفعلت على بعض الصحفيين ومراسلي القنوات الفضائية، وذلك خلال مشاركتها في تشييع جثمان الممثل الراحل “هيثم أحمد زكي” إلى مثواه الأخير.

وأثناء دخول “الشربيني” إلى المسجد، هاجمت المصورين المحيطين بالمسجد، وقالت بانفعال شديد “انتو بتصوروا إيه”، قبل أن تغادر محيط المسجد.

وسيطرت حالة من الحزن الشديد على الوسط الفني، عقب وفاة الممثل الشاب “هيثم أحمد زكي” عن عمر يناهز الـ 35 سنة، بسبب هبوط حاد في الدم.